Aalborg, Esbjerg Aarhusiluunniit

Aalborg, Århus Esbjergiluunniit.

Taakkua arlaat sorleq Danmarkimi umiarsuarnik talittarfittut Kalaallit Nunaannit atorneqalissanersoq aalajangerniarlugu suliaq aallartereerpoq. Naalakkersuisut aalajangerput akikinneq anguniarlugu suliariumannittussarsiortoqassasoq.

Suliap aallartinnissaanut atatillugu, siunnersuisartoqatigiit Cowi Namminersornerullutik Oqartussani pisortaqarfimmit ataatsimeeqatigineqarput.

Attaveqarnermut pisortaqarfimmi immikkoortortami pisortap, Michael Pedersenip naatsorsuutigaa suliuariumannittussarsiuussinissamut isumaqatigiissutip saqqummiunnissaanut isumaqatigiissut sapaatip-akunnerata uuma ingerlanerani atsiorneqarsimassasoq.

Suliariumannittussarsiuussinissamik saqqummiussinissami atugassat aningaasanngorlugit millionit affaanik naleqarput, taannalu maajip ingerlanerani naammassereersimassaaq.

Kalaallit Nunaata Danmarkimi talittarfissaa sorliussanersoq, septembarip qaammataani aalajangerneqareersimassaaq.