Aalassarluttuulluni oqimaatsulerinissaq ulorianarluinnartuuvoq

Qallunaat angutitaat ilinniagakitsut akornanni taamatut atugaqaraanni uummammik unittoornissaq pingasoriaammik qaninnerulertartoq qallunaat misissuineranni paasineqarpoq.
Allattoq Knud Reimer
januaarip 20-at 2012 07:25

- Aalassarluttuunerup peqqissutsimut ulorianarsinnaanera qangali naluneqanngilaq. Aalassartuullunili sulerulunnerup uummallulersitsisinnaanera paasisani nutaartaavoq, Andreas Holtermann Qallunaat suliffeqarfinni avatagiisinut misissuiveqarfianeersoq Ritzauimut taama oqaluttuarpoq.

Mississuineq The Copenhagen Male Study-mik qulequtserneqarsimavoq, tassalu angutit 5214-it ukiuni 30-ni malinnaavigineqarsimallutik.

Misissuinermi paasisat malillugit angutaagaanni ilinniagakittuulluni, akissarsiakittuulluni, aalassarluttuullunilu taava uummallulernissap qaninnerulersinnaanera paasisat pingaarnersaraat.

Aap tillernera eqqarsaatigissagaanni, taava inuk aalassarluttoq kivitsinialeraangat aavata tillernera qaffasinnerulersarpoq.

- Tassa inuk aalassarissumut naleqqiullugu ilungersornerusarluni, Andreas Holtermann oqaluttuarpoq.

Misissuinerup inerneri angutit suliffigissaarnerusunut ilinniarluarsimanerusunullu naleqqersuussassaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq