Australiap avannarpasissuani illoqarfimmi Broomemi uumasuusivimmi tamanna ataasinngormat unnukkut pivoq, angutip imerniartarfimmit anisitaareernerata kingorna.
- Kuukkoorissat arnavissat marluk inaannut siullermik iserpoq, taamaasereeramilu kuukkoorissap angutivissap Fatsomik atillip 5 meter-isullu atsigisup inaanut iserpoq, politiit oqaaseqartartuat oqaluttuarpoq.
- Qaanut igeriaraluarnermini niumigut talerpimmigut kiitippoq. Kiitinnerminit qimaasinnaasimavoq imerniartarfimmukaqqillunilu, tassanngaanniillu ambulancenut sianertoqarpoq.
Imerniartarfiup aqutsisuata Mark Phillipsip oqaatigaa angut taanna pineqartoq aqqarnup missaanni takkussimasoq atisaani qisukujoqarluni niuanillu ilanngarfigineqarluni kiitissimalluni.