Savalimmiuni Torshavnimi angut aalakoorluni biilersimariarami biilerluni politeeqarfiliarsimavoq imminullu aalakoorluni biilersimasutut tunniussimalluni.
Torshavnimi politiit marlunngormat tupaallassimaqaat angut politeeqarfiup biilinut unittarfianut biilini unitseriarlugu politeeqarfiup saaffiginnittarfianukarsimavoq imminullu nalunaarutigaluni.
- Takanna, aajuku matuersaatikka, peqqissimissutaarunniassaanga tigusariniarsinga, angut aalakoortoq oqarsimavoq. Angut tigusarineqarpoq aaversillunilu.
Savalimmiuni aviisip allaaserisaa naapertorlugu Savalimmiuni politiit imminut pajugutigisumik naammattuuisimanngisaannarsimapput.
Juullip aappaata unnuaa Savalimmiuni festerfiusimaqaaq – Ukiutoqqamiluunniinngooq taamarsuaq festertoqartiginikuunngitsoq politiit oqarsimapput.