Assi: KNR // Aannguaq Reimer-Johansen

Inuit Ataqatigiit: Aalajangiisoqarnissamut peqataatinneqarnerput naammassimanngilaq

Inuit ataqatigiit allannguutissatut siunnersuutaat tassalu mittarfiit kittartuumik sananeqarnisaanut siunnersuutaat, inatsisartuni amerlanerussuteqartunit itigartitsissutigineqarpoq oqallinnerlu nanginneqarpoq.

- Aalajangiisoqarnissamut peqataatinneqarnerput naammassimanngilaq. Aqqaluaq B. Egede Inuit Ataqatgiit, mittarfiit sanartorneqarnissaannut aalajangernissamut peqataatinneqarsimannginertik pakatsissutigineqarpoq.

Mittarfiit sanaartorneqarnissaannut inatsisartuni sisamanngornermi taasisoqalerpat IA taaseqataanianngilaq.

Inuit Ataqatigiit oqaaseqartartuata Aqqaluaq B. Egedep mittarfiit sanaartorneqarnissaannut oqallinneq pakatsissutigaa.

AAMMA ATUARUK GRAFIK: Bliv klogere på lufthavnspakken

Aqqaluaq B Egede isumaqarpoq mittarfiit sanaartorneqarnissaannut tunngaviusoq pillugu apeqquteqaatigineqartut naammattumik akineqanngitsut.

Kangerlussuarmi Narsarsuarmilu takornarianik sullissinermi inuiaqatigiinnut kingunerisinnaasai misissorneqarnerat naammanngitsoq, Aqqaluaq B Egede isumaqarpoq.

AAMMA ATUARUK Oqaluttuarisaanermi pingaarutilimmik aalajangiisoqalersoq

Taassuma mittarfiit sanaartorneqarnissaannut pilersaarummik Inatsisartuni sulineq isertuussiniakujunnermi ingerlanneqarsimasoraa.

- Oqaloqatigiinnissamut peqataatinneqarsimangilagut, Aqqaluaq B. Egede oqarpoq. Taassuma oqaaseqartartutut arlaleriarluni erseqqissaatigaa, Danmarkimik isumaqatigiissuteqarneq partiimit iluarineqanngimmat, IA-llu isumaa naapertorlugu danskit naalagaaffiat sunniuteqarpallaassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat