Aakkiartornermut kukkuneq iluarsivaat
Times Atlasimi kukkuneq GEUS-ip ikiuunneratigut iluarsineqarpoq.
Allattoq Noah Mølgaard
Sermeq pillugu ilisimatusartut nunatsinni pissutsinik malinnaasut ukiaq tupitsatsinneqarput Time Atlas nalunaaraluarmat nunatta sermersuaq qumarujussuarsimasoq. Amerikamiut nunap assiliortut sermersuaq 15 procentimik ilanngartissimagaluarpaat, tamannali kukkuneruvoq.
Maanna GEUS sermip aakkiartornera pillugu paasissutissanik eqqartortunik katersereersimalerpoq. Sermip killinganut paasissutissat timmisartumit assilisat 2011-meersut atorlugit. Aammali amerikamiut avataarsuanik misissuiviata NASAp qaammataasaanit Terra-mit Aquamillu assilisat atorneqarsimasut, GEUS nalunaarpoq.