Aajuna nunatsinni illorsuit anginersaat
Illorsuaq aasaru atoqqaarfissiorneqarpat tassaniissapput pisiniarfiit assigiinngitsut, aamma Namminersorlutik Oqartussat allaffeqarfii arlallit.
Borgmester Asii Chemnitz Narupip napparnersiornermi oqalugiarami isertunngilaa Centeri Nuummi pingaaruteqassaqisoq, neriuffigilluaqaalu.
- Aantuukasik Centeri illorsuaassaaq malugisassaqqissoq, illoqarfimmi ersarissoq. Taamaammat aamma pingaaruteqarpoq, illoqarfitta ineriartornerani Centerip iluaqutaanissaa, Asii Chemnitz Narup oqarpoq.
- Neriuutigaara niuernerup tungaatigut nutaamik isumassarsiornissamut Centeri iluaqutaassasoq, niuertummi pisiniarfiutaat mikisunnguit angisuullu tassaniittussaaput, innuttaasunut inuussutissarsiortunullu nuannaaarutaallutillu iluaqutaasussat, borgmesteri nangippoq.
Centeriliortup MT Højgaardip napparnersiornermi nassuiarpaa sukkanerpaamik sananissaq sooq taama pingaaruteqartiginersoq.
- Illorsuup betonngi sisallu atorlugit sananeqarnissaa aallaqaammulli qinerparput, naamamssilertorniassagatta. Taamaammat naammassipallanniassagatta aallaqaammulli 100-t tikillugit sulisoqartuarsimavugut, MT Højgaardimi sanaartornermi pisortaq, Jørgen Johansen, nassuiaavoq.
Namminersorlutik Oqartussat saniatigut Pisiffik pisiniarfiillu arlallit aasaru atulerpat illorsuarmiissapput.