Aajukugooq aningaasarsiorfissat

Nalunaarusiaq 2012-moortoq kapitalinut pingasunut agguataarneqarsimavoq. Siulleq qulequtaqarluni, akit aningaasarsiornikkullut pissutsit allanngorarneri. Qulequttap aapparaa, Aningaasanut tunngasuni naalakkersuinikkut ingerlatsinerup nalilersorneri kiisalu pingajuattut qulequtsiunneqarsimalluni, 'Siuariartornermi pinngortitami isumalluutit iliuusissatut atorneri'.

Aningaasaqarnermut Siunnersuisoqatigiit nalunaarusiaat, siunnersuisoqatigiinni ilaasortanit nutaamik inissitsitsersimasunit saqqummiunneqassaaq. Siulittaasoq tassaalluni, ilisimatooqTorben M. Andersen, siulittaasup tullia Ulla Lynge, Nationalbankenimit Anders Christensen, Ilisimatusarfimmit Palle Høy, Danmarkimi Aningaasaqarnermut aamma Nunamut Namminermut Ministereqarfimmit Søren Bjerregaard kiisalu Anders Blaaberg, Kalaallit Nunaanni Naatsorsueqqissaartarfimmit.

Siulersuisut saniatigut ilaasortaapput soqutigisaqaqatigiiffinneersut, Naalakkersuisut allaffissornikkut aqutsisuineersut aamma ilisimatusarnermut suliffeqarfinnit ilaasortaaffigineqarluni.

Aningaasaqarnermut Siunnersuisoqatigiit Naalakkersuisunit 2009-mi pilersinneqarput, nalunaarusiarlu ualeru pingasup qeqqanut saqqummiunneqartussaq nalunaarusiat pingajoralugu.