Aajuku Naalakkersuisut nutaat

Palle Christiansen Demokratineersoq naalakkersuisunngorpoq ilinniartitaanermut, ilisimatusarnermut nunanullu avannarlernut tunngassuteqartunut.

Agathe Fontain, Inuit Ataqatigit peqqinnissamut naalakkersuisutut ingerlaqqippoq.

Ane Hansen, Inuit Ataqatigiit, aalisarnermut piniarnermut nunalerinermut uumasunillu nakkutilliinermut naalakkersuisoq.

Ove Karl Berthelsen, Inuit Ataqatigit, inuussutissarsiornermut aatsitassalernermullu Naalakkersuisoq.

Anthon Frederiksen, Kattusseqatigiit Partiiat, nunamut imminermut eqqartuussiveqarnermullu Naalakkersuisoq.

Jens B. Frederiksen, Demokratit ineqarnermut, attaveqarnermut klimamullu Naalakkersuisoq.

Kuupik Kleist, Inuit Ataqatigiit, Naalakkersuisut siulittaasuat.

Maliina Abelsen, Inuit Ataqatigiit, aningaasaqarnermut Naalakkersuisoq.

Mimi Karlsen, Inuit Ataqatigiit isumaginninnermut, kultureqarnermut ilageeqarnermut naligiisitaanermullu Naalakkersuisoq.

- Naalakkersuisut piffissami kingullermi oqallinneq tusaanngitsuusaaginnarsimanngilaat aammalu qanoq iliuuseqarnissaq aalajangiussimallugu. Isornartorsiuisoqarnera tusaatissatut tiguarput, taama Kuupik Kleist tusagassiortunik katersortitsinermi oqarpoq.

- Pingaartipparput Naalakkersuisooqatigiit qinigaaffik naallugu atuutissasut aammalu oqallineq inunnut ataasiakkaanut sammivallaarani sulianut tunnganerussasoq, taama Kuupik Kleist oqarpoq.

Akisussaaffiit agguataarnerannut takussutissaq aasinnaavat linki ataaniittoq toorlugu.