Aajuku Meeqqat Isummersortarfittaavanni ilaasortat

Meeqqat Isummersortarfiannik pilersitsinissap siunertarivaa meeqqat tusaaniarneqarnissaat, taamaalillutik ulluinnarni inuunerminni pisunut sunniuteqarsinnaalerniassammata.

Ilaqutariinnermut Naalakkersuisoq Mimi Karlsen, Meeqqat Isummersortarfissaannut atorluaaniarpoq. Tassami Naalakkersuisut naluneqanngitsutut meeqqanut tunngasunik arlalinnik suliniuteqarput:

- Tassanilu meeqqat taakkua  isumasiussallugit uannut pingaaruteqartorujussuussaaq. Arlaannik meeqqanut tunngasunik pilersitsisoqarniarpat taava assut iluassaqaaq, Naalakkersuisuninngaanniit aperisinnaagutsigit tassunga tunngatillugu qanoq isumaqarpisi, Mimi Karlsen oqarpoq.

Meeqqat Isummersortigiviini ilaasortat ukiumut ataasiarlutik naapisinneqartarnissaat siunertarineqarpoq.

Meeqqat qulit qinerneqartut tassaapput: Tony Mølgaard Hansen Qaqortuminngaannersoq, Rosannguaq Starch, Birthe Rosa Jakobsen, Maannguaq Berthelsen og Isak Chemnitz Frederiksen tamarmik Nuumminngaannersut, Clara Nielsen Maniitsuminngaannersoq, Aki-Matilde Høegh-Dam Sisimiuninngaannersoq, Juunaaraq Mikaelsen aamma Henriette Johansen tamarmik Qasigiannguaneersut, Amalie Therkelsen Iliminameersoq, Dortinnguaq Ottosen Uummannaminngaanneersoq kiisalu Sikkerninnguaq Olsen Upernavimmeersoq.