Aajuku illoqarfinni mikinerusuni piginneqatigiilluni illuliassat
Piginneqatigiilluni illuliat Aasianni aamma Nanortalimmi sananeqarnerat ukiormanna aallartissaaq.
Suliap aallartisarneranut atatillugu Namminersorlutik Oqartussat illussanik titartaasartunik unammisitsipput. Tassa ajugaasutut toqqarneqartut marluusut tassaapput Tegnestuen Qarsoq Aps aamma Clement & Carlsen taakkulu tamarmik 100.000 koruuninik aningaasartalimmik checkinnapput.
- Suliniummi siunertaavoq inissiat najugaqarfigissallugit piukkunnarpallaarunnaarsimasut nutaanik taarserneqassasut kinguaariit tullii imminnut qanillutik najugaqatigiinniassammata, taama Namminersorlutik Oqartussat nalunaarput.
Illussani titartaasartut unammisinneqarneranni siunnersuutit arfinillit tunniunneqarsimapput.