Aajuku Avannaata Qimussersuani peqataasussat
Qimmit 555-nit ikinnerunngitsut Avannaata Qimussersua arfininngorpat igeriarnikkut aallartinneqarpat, Qasigiarmiut qimussertarsuisa illerngisigut sukkanniunnissamut piareersimalerput.
Sumiiffiit Avannaata Qimussersuanut peqataatitaqartut tassaapput: Sisimiut, Kangaatsiaq, Aasiaat, Qasigiannguit, Qeqertarsuaq, Ilulissat, Saqqaq/Qeqertaq, Uummannaq Upernavillu.
Qeqertarsuarmi anngunniuttoqarmat tallimat anngupput. Taakkuli Avannaata Qimussersuanut ilaasinnaajunnaarput peqatigiiffik Qimusseq 82 peqataatitsinissaminut akissaarummat.
- Uggornartorujussuuvoq peqatigiiffipput sinnerlugu peqataasinnaajunnaratta, Nukkappi Brandt, annguttunut ilaagaluartoq ugguaqaluni oqarpoq.
Anngussimasut sukkanniuuffissaat 40 kilometerinik isorartutigisoq sukanernit nalunaaquttap akunneri marluk inorlugit ingerlaarfigineqarsinnaavoq. Sukkaniuttut aqqutissaat Avannaata Qimussersuani Qasigiannguani 2007-mi sukkaniuuttoqarmat aaqqutigineqarpoq.
Sukkanniuttussat Sisimiut qimussertartuisa illerngisut aqquteqartussaanngillat, Qasigiannguani aqqutissap annersaa manissuummat qaqqaq qaqineqartussaq portusoorsuunngitsoq ataaseq eqqaassanngikkaanni.
Sukkanniukkiartortut siulliit Qasigiannguanut tallimanngormat tikipput. Tikittut siulliit ilaat tassaapput Uummannameersut, Saqqameersut Qeqertameersullu. Taakku Qeqertamit helikopterimik Ilimanniaanneqarput tassanngaanniillu Qasigiannguanut qimusserlutik.
Avannaata Qimussersuanik aaqqissuussisoq Nutaraq 91, peqataasussanut assigiinngitsunik, soorlu arsaannernik kalaallit pinnguaataannik allanillu sammisaqartitsivoq.
Aajuku Avaannata Qimussersua 2012-mi peqataasussat:
Sisimiut
Hanseeraq Olsen
Kristian Lundblad
Søren Davidsen
Marius Inûsugtok’
Hans Marius Frederiksen
Kangaatsiaq
Kristian Inûgsutoq
Pavia Siegstad
Anders Petersen
Ado Sandgreen
Sakarias Siegstad
Aasiaat
Lars Iversen
Jakob Storch
Kaalertaaq Andersen
Otto Brandt
Magnus Storch
Qasigiannguit
Ove Johansen
Edvard Samuelsen
Nukannguaq Samuelsen
Haansiaraq Zeeb
Jørgen Amossen
Ilulissat
Jørgen Kristensen
Ville Siegstad
Kuno Markussen
John Eliassen
Jakob Skade
Qeqertaq/Saqqaq
Algot Nielsen
Mikkel Jeremiassen
Tittus Broberg
Upernavik
Otto Kristensen
Jonas Kristensen
Niels Eliassen
Aron Eskildsen
William Sakariassen
Uummannaq
Amos Jensen
Hans Petersen
Jokum Davidsen
Jens Ole Jensen
Andreas Broberg