Aajuku arnani toqqarallakkat
Arsaannermi arnani nunanut allanut unammisartut apriilip naalernerani toqqarneqassapput taakkuussappullu aasamut Island Games-qarnissaanni nunarput sinnerlugu unammisussat.
Island Games ingerlanneqassaaq Isle of Wightimi junip 25-aniit arnat arsaallutik unammersuarneranni iligiit aqqanillit peqataassallutik. Taakku puljenut pingasunut agguataarneqassapput puljeni marlunni iligiit sisamaassallutik pingajuannullu iligiit pingasut inissinneqassallutik.
Maanna nuna tamakkerlugu sungiusaasoq Bent Petersen ikiortaalu John Thorsen arsaattartunik 21-nik toqqaagallarput. Taakku apriilip naalernerani 18-nut ikilineqassapput.
Toqqaagallarneq pivoq arnat arsaattartut sungiusarnerminni killiffiat illup iluani arsaannermi GM marsip qeqqani pisumi qimerloorneqareersoq. Toqqarallakkallu akornanni ilisarnartoqarpoq. Taakkulu ilagaat illup iluani GM-qarnerani arsallammattut toqqarneqartoq Arnaq Bourup Egede NÛK-meersoq kiisalu silami GM-rtoqarnerani arsalerillaqqinnerpaatut arsallammattullu toqqarneqartoq Manumina Reimer I-69 Ilulissaneersoq. Aammattaaq silami GM-rtoqarnerani sukataallammak Karo Dahl Disko 76 Qeqertarsuarmeersoq toqqarallakkanut ilaavoq.
Aajuku toqqarallakkat atii:
Laila Siegstad, I-69 – aquttoq
Aviaja Heilmann, S-68 – aquttoq
Tobiasine Abelsen, NÛK – kingukkaq
Bebiane V. Johnsen, I-69 – kingukkaq
Ane Mettea Fontain, B-67 – kingukkaq
Paornánguak Isaksen, B-67 – kingukkaq
Camilla Olrik, Aqissiaq - kingukkaq
Berthe Ugpernángitsok, I-69 – kingukkaq
Laila Brandt, Disko 76 – kingukkaq
Manumina Reimer, I-69 – qeqqani
Karen Louise Vetterlain, UB-83 – qeqqani
Pilunnguaq Chemnitz, NÛK – qeqqani
Aviana Reimer, I-69 – qeqqani
Nivi Amossen, NÛK – qeqqani
Najaaraq Mørch, NÛK – qeqqani
Karo Dahl, Disko 76 – qeqqani
Karoline Malakiassen, I-69 – siukkaq
Laila Platou, NÛK – siukkaq
Arnaq Bourup Egede , NÛK – siukkaq
Apollonie Kreutzmann, B-67 – siukkaq
Inaluk Rosing Petersen, B-67 - siukkaq