Aajap suleqatigiinnissaq qajannartikkaa
Aleqa Hammond aamma Aaja Chemnitz Larsen tassaassapput Siumumiit Inuit Ataqatigiinniillu Folketingimut ilaasortanngortut. Marluullutillu Kalallit Nunaat sinnerlugu ilaasortaassapput, apeqqutaalissaarlu suleqatigiinneq qanoq ingerlassanersoq.
- Soorunami Aleqa Hammondilu qanoq suleqatigiissanerluta eqqartussavarput, aamma suleqatigiissanersugut, Aaja Chemnitz Larsen taama oqarpoq.
Imminnut ilisarisimanngillat
Aleqa Hammondillu aamma erseqqissarpaa, Aaja Chemnitz Larsen inuttut ilisarisimanagu, suleqatiginissaalu ammaffigalugu.´
- Tassa Aaja ilisarisimanngilara. Qallunaatuinnaq oqaluttumi suleqateqartarnissaq aamma sungiunniassavara. Aamma isumaqarpunga suleqatigiiffissagut amerlaqisut, Aleqa Hammond oqarpoq.
Aamma atuaruk Aaja taasisut ikitsut tunuliaqutarigai
Aamma atuaruk Qinerneqarnerpaaq Hammondi tulluusimaaqisoq
Aaja Chemnitz Larsenip erseqqissarpaa, qinersisartut taasinerat ilumoorukkini, kalaallillu suleqatigiinnissaat anguniarumallugu.