Aaja: Paasissutissat annikipput

- Paasissutissanik suliaqartoqalaarsimavoq, kisianni tamanna Folketingimut qinigaangama aatsaat  paasivara. 

Nalunaarusiaq "Kalaallit Danmarkimiittut", danskit naalagaaffiata atugarissaarneq pillugu ilisimatusarfissuata SFI-p, sapaatip akunnerani kingullermi saqqummersitaa, Aaja Chemnitz Larsenip atuareerlugulu oqarpoq.

Kalaallit Inuuniarnermi ajornartorsiutillit Danmarkimi atugarisaat nalunaarusiami sammineqarput.

Kisianni Isumaginninnermut naalakkersuisup, Martha Lund Olsenip, Aaja Chemnitz Larsenip isornartorsiutai ilisarisinnanngilaa.

- Naluara sunarpiaq Aaja Chemnitz Larsenip pisimaneraa. Kisianni ukiut siuliini isumaqatigiissusiortoqarnikuuvoq ilaqutariinnut meerartalinnut tunngassuteqartunut pinngitsoorani ilisimasanik ingerlatitsiisoqartassasoq, Martha Lund Olsen oqarpoq.

Paasissutissiisarnerillu naammaginanngitsut Aaja Chemnitz Larsenip naqissuserpaa.

-  Suliffissaqarnani, ilinniariarnarni inissarsinaniluunniit Danmarkimut nuunnissa  iluaqutaanngilaq. Tamakku tamarmik inissinneqaqqaartariaqarput nuutsinnani. Nalunaarusiaq paasissutissanik pingaaruteqarluinnartunik ersersitsisoq isumaqarpunga, Aaja Chemnitz Larsen oqarpoq.

Nanoq.gl-imiipput paasissutissat

Isumaginninnermut naalakkersuisup Aaja Chemnitz Larsen kaammattorpaa Naalakkersuisut nittartagaanni inuuniarnermik ajornartorsiutillit Danamarkimut nuuttarneri pillugit paasissutissanik misissuilluaqqullugu.

Martha Lund Olsenip aamma oqaatigaa inuuniarnermikkut ajornartorsiutillit Danmarkimut nuuttarnerat pinaveersaartinneqassappat suliffissat amerlarnerusut pisariaqartinneqartut taamatullu siusinnaartumik suliunnaarnersiuteqartarnerup aaqqissuuteqqinneqarnissaa pisariaqartoq.