Assi: Anders Hviid/ft.dk

Aaja Chemnitz Larsen Christiansborgimut qaaqqusisoq

IA-mit folketingimi ilaasortaq Christiansborgimi ammatitsilluni aggustip aallaqqaataanni qaaqqusippat naalagaaffiup sullivia iluanit takuneqarsinnaassaaq.

- Kalaallit Nunaannit aggustip aallaqqaataata missaani Københavnimiittartut amerlasoorujussuupput, taamaammat Christiansborgimut qaaqqusinissaq pissusissamisoortorujussuusoraara, Inuit Ataqatigiinnit Folketingimut ilaasortaq, Aaja Chemnitz Larsen oqarpoq.

Folketingimut ilaasortap ileqqoq malillugu “Kalaallit Nunaat Tivolimi”-miittoqartarnerata ulluata aappaani nalliuttorsiornerit Christiansborgimi aallaqqaaserusuppai.

AAMMA ATUARUK Danmarkimi naalakkersuisunngortussat saqqummiunneqartut

Qaaqqusinera partiip Folketingimi ukioq manna januaarimi ukiortaami ilasseqatigiissitsinerata malitsigaa.

- Aggustip aallaqqaataani pisartumik kalaalerpassuarnut Danmarkimut feeriartunut, Grønland i Tivolimilu peqataanissaminnik pilersaarutunut pingaartumik sammisumik nutaaliornissaq kajuminnartorujussuuvoq,  Aaja Chemnitz Larsen oqarpoq.

Aggustilli aallaqqaataani aqqissuussineq soqutiginnittunut tamanut ammavoq.

AAMMA ATUARUK Kalaallit Tivolimi qiimarrattut

Folketingip Nunatsinnut qaninnerulersilaarnissaa aaqqissuussinermut eqqarsaataavoq.

- Folketingimit assinik isiginnaagassanillu takusoqakulasarpoq, ulluinnarniilli nalinginnaasunit ungasippalaarsinnaasarpoq. Ukiortaami ilasseqatigiissitsineq inuinnaat naalakkersuisooqataanerannut kalaallillu maani sinniisut suliaannut paasisaqarfiuneratut misigaara, Aaja Chemnitz Larsen oqarpoq.

Aaqqissuussinermili peqataaniaraanni takkunnissamut nalunaaruteqarnissaq pisariaqarpoq, Billetto.dk-milu nalunaaruteqartoqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat