Camp Century Aaja Chemnitz akissutissarsiortuarsinnarpoq
Camp Centurymut tunngatillugu Danmarkip USA-llu akornanni pissutsit paasineqarsimanngitsut suli amerlavallaarput.
Inuit Ataqatigiit sinnerlugit Folketingimi ilaasortaq Aaja Chemnitz Larsen taama isumaqarpoq. Ilaatigut Camp Centurymi atomimik nukissiorfiliornissamut Danmarkip 1960-imi akuersisimanera pillugu Kalaallit Nunaannut tunngasunut ataatsimiititaliap naammaginartumik paasitinneqarsimannginnera suli aalajangiusimavaa.
- Naliliinera naapertorlugu Folketingip Kalaallit Nunaannut tunngasunut ataatsimiititaliaa Camp Century pillugu tamakkiisumik paasitinneqarsimanngilaq, KNR-imut mailikkut taama allappoq.
AAMMA ATUARUK Justus Hansenip politikereqatini isornartorsiorai
Aaja Chemnitz Larsenip Camp Centurymut tunngatillugu suliaq tamaat misissuiffigineqarlunilu nassuiaatigineqartariaqarsoraa.
- Aamma suli isumaqarpunga suliaq qulaajaaffigineqartariaqartoq, tamatumanilu Nunatsinni sakkutooqarfiusimasorpassuarni avatangiisinik saliinissamut kina akisussaasuunersoq immikkut isiginiarneqassaaq.
AAMMA ATUARUK Atomi pillugu akuersisoqarnikuuneranik politikkerit ilisimatinneqarsimasut
Danskit naalagaaffiata Nunatsinni sakkutooqarfiusimasut pillugit Nunatsinnut sunik paasissutissiisimanerata misissuiffigineqarnissaanut Folketingip Kalaallit Nunaannut tunngasunut ataatsimiititaliaanit taperserneqarnissani kissaatigaa.
Camp Century pillugu suliaq Folketingip Kalaallit Nunaannut tunngasunut ataatsimiititaliaani pingasunngorpat oqaluuserineqassaaq.
