Aaja Avannaani politikkimik eqqartueqatigiinnissamut qaaqqusisoq

Inuit Ataqatigiinneersoq Aaja Chemnitz Larsen Uummannamut, Saattunut, Ilulissanut Aasiannullu paasisassarsiorluni angalassaaq.

- Folketingimi sulineq nunatsinnit killometerinik 4.000-inik ungasitsigisumi ingerlanneqarpoq, taamaammat ilaatigooriarlunilu ulluinnarni inuunitsinnut qanoq pingaaruteqartiginera paasiuminaassinnaasarpoq. Kisianni tassa pingaaruteqarpoq. Taamaammat pingaarpoq innuttaasut suut pingaartinneraat paasissallugu, tamakku Christiansborgimi politikkikkut sulininni ilanngussinnaaniassagakkit, Aaja Chemnitz Larsen (IA) angalanissani pillugu taama oqarpoq.

Folketingimut ilaasortap angalanini Nuummi naammassissavaa, tassanilu ilaatigut imaani uuttortaanerit avatangiisinillu saliineq pillugit Naalakkersuisunut ilaasortanik oqaloqateqassalluni.

Innuttaasunik ataatsimiititsinissamut piffissaliussat:

Uummannaq: arfininngornermi oktobarip 15-iani, politikkimik eqqartuilluni kaffisoqatigiinneq. Edvard Krusep Atuarfiani nal. 15.00.
Saattut: sapaammi oktobarip 16-iani, politikkimik eqqartuilluni kaffisoqatigiinneq nal 13.00 Muusap Atuarfiani
Ilulissat: ataasinngornermi oktobarip 17-iani, politikkimik eqqartuilluni kaffisoqatigiinneq nal. 19.00 ved PI/SPS

Aasiaat: marlunngornermi oktobarip 18-iani, politikkimik eqqartuilluni kaffisoqatigiinneq nal. 19.00 Gammeqarfimmi ilinniartitsisut inaanni