Aaja ataatsimiititaliami siulittaasup tullinngortinneqartoq
Inuit Ataqatigiinneersup siulittaasup tullinngortinneqarneratigut Nunarput sinnerlugu Folketingimi issiasut Kalaallit Nunaannut tunngasunut Ataatsimiititaliami siulittaasutut siulittaasullu tulliatut issiaviit tiguaat.
Aaja Chemnitz Larsenip ataatsimiititaliami inissisimaffittaani nuannaarutigaa, taamaattorli ima oqaasertalerpaa:
- Qinersisartut aalajangernerat ataqqisariaqarpoq. Folketingimut qinersinermi IA partiit annersaraat, taamaattorli ajoraluartumik politikki pissutaalluni siulittaasumik taasisoqarluni, Chemnitz Larsen oqarpoq.
- IA suli partiit annersaraat maannalu Folketingimi Nunarput sinnerlugu partiituaalluni. Tamannalu Kalaallit Nunaannut tunngasunut ataatsimiititaliami ataatsimiititalianilu allani sulininnut suliinnarnissannullu pisussaaffiliivoq, Aaja Chemnitz Larsen tusagassiuutinut allappoq.
Siulittaasoq Aleqa Hammond
Aleqa Hammondip, attaviitsuusup, Venstrep 2016-ip naalernerani politikkikkut isumaqatigiissuteqarfigineratigut Kalaallit Nunaannut tunngasunut ataatsimiititaliami siulittaasunngornera oqallitsitseqaaq.
AAMMA ATUARUK Aleqa Hammond bliver ny formand for Grønlandsudvalget
Siumumi Naalakkersuisunilu siulittaasuusimasoq Kalaallit Nunaannut tunngasunut ataatsimiititaliami siulittaasunngornermini neriorsuutigaa danskit naalakkersuisui uppisinniarneqalissagaluarpata peqataaniarani.
Taamaasilluni Hammond Folketingimi illuatungaanut nuuppoq.