Misissuinerit 89-it inerneri peqqinnissaqarfimmit ullumi sisamanngornermi apriilip ulluisa aappaanni tiguneqarsimapput, tunillatsittoqarsimanngitsorlu, naalakkersuisut nittartagaanni atuarneqarsinnaavoq.
- Allanik suli tunillatsittoqarsimannginnera ajunngilluinnartuuvoq. Tassuuna takuneqarsinnaavoq tunillaassortoqannginnissaanut periuserineqartoq siunertamisut ingerlanneqartoq, nunatsinni nakorsaaneq Henrik L. Hansen. taama oqarpoq, nangillunilu:
- Tamannali ulluinnaat ingerlaannaq takkuteqqinnissaannik isumaqanngilaq. Tamattaalluta eqqiluisaarnissamut tunngatillugu siunnersuutinik peqqusinernillu atorneqalersunik malinninnissarput suli pingaartorujussuuvoq, nunatsinni nakorsaaneq Henrik L. Hansen, oqarpoq.
AAMMA ATUARUK Tamaat isigalugu: Coronavirus pillugu killiffik
Inuit 541-t misissuiffigineqarput, taakkunannga 485-it tunillatsissimanngitsut paasineqarput qulillu tunillatsissimasut paasineqarlutik. Tunillatsissimasunit pingasut peqqisseqqissimasutut nalunaarutigineqarput, sinnerilu peqqissiartorlutik.
Ullumi misiligutinik kingusissukkut tikittoqarnera pissutigalugu innuttaasut misiliguteqarfiusimasut suli oqarasuaatikkut sianerfigineqaqattaartut, naalakkersuisut nalunaarutigaat.
