80 procentii kigutimikkut putoqanngitsut
Anguniagaq qanoq anguneqassanersoq tusagassiutinut nalunaarummi ima nassuiarneqarpoq:
Kigutigik! qulequtsiullugu, Kigutigissaanermik suliaqartuniik siunnersuutit sisamat oqaasertaliunneqarput, siunissami paasisitsiniaalluni suliniarnermi ilaalluinnartussatut aalajangiussat:
Ullaakkut unnukkullu kigutitit salilluartakkit.
Meeqqavit kigutai qulinik ukioqalernissaata tungaanut salittassavatit.
Kigutit qaqorsaataat sakkortuumik fluoritalik atortaruk, mamakujuit sodavandillu ulluinnarni pinaveersaakkit.
Kigutigissaanermi ukiorpassuarni ilisarnaataasarsimasup, aarrup kigutigissaatillip,amerlasuunit eqqaamaneqarunartup, kingumut ataqqinaatini uterteqqissavaa saqqummertartussanilu ilisarnaataasassalluni.
Periusissami nutaami angajoqqaat akisussaaffimmik tigumminninnerat pingaartinneqarpoq, meeraanermiit kigutigissarnikkut ileqqut pitsaasut tunngavissinneqartarmata. Taamaatuttaaq angajoqqaat kigutileriffimmiit aggeqquneqaraangamik aggertarnissaat aalajangiisuulluinnassaaq.
Periusissatut pilersaarut Peqinnissaqarfiup nittartagaani www.peqqik.gl –imi atuarneqarsinnaavoq.