Kalaallit Nunaat iliniagartuunik 15-nik bachelorinillu 30-nik pisuunnguallappoq, tallimanngornermi Ilisimatusarfimmi naammissinerminnik allagaqartanik tunineqaramik. da der blev afholdt dimission på Ilimmarfik i Nuuk.Assi: KNR / Malik Brøns

69-nik ukiulik agguaqatigiissillugu karakteriginnerpaaq: Kakkaammiaasiit ajorpianngeqaaq.

Ilisimatusarfimmi ilinniartut 46-t tallimanngornermi allagartartaarput. Taakkununnga ilaavoq Per Rosing, taassuma agguaqatigiissillugu karakterinik angusaqarluarnerpaatut nersonaaserneqarpoq.

Allagartartaartunut ilaavoq, 69-nik ukiulik. Per Rosing Nutserinermut Oqaluttaanermullu bacheloritut allagartartaaginnarani bachelorinngortuni angusaqarluarnerpaatut nersornaaserneqarpoq.

Nuummiu, Per Rosing Nutserinermut Oqaluttaanermullu Immikkoortortamiit allagartartaarnermi saniatigut KNI-miit bachelorinngortuni angusarissaarnerpaatut nersornaaserneqarpoq.

Per Rosing Nuummiinngimmat qatanngutaata allagartassaa tiguaa, nersornaaserneqarninilu tupaallaatigaa.

- Tupaallappunga tassami ilimaginnginngikkaluarakku uanga annerpaamik angusaqassallunga, isumaqarlunga inuusuttut uanninngaannit angusaqarnerujussuusimassasut. Paasileriallariga agguaqatigiisinnerani 11,4-ersimallunga. Kakkaammiaasiit ajorpianngeqaaq.

Angusarissaarninilu uppererpiarsimanngilaa, taamaattumik ilinniarnermini naliliissutaasartut misissorsimavai.

- Aappaagutigulli tupaallannarpallaanngilaq suliakka ukiorpassuit suliarisarsimagakkit

Per Rosing oqarpoq.

Ilinniartitsisutut soraarningoreerluni Per Rosingi 65-leereerluni ukiut pingasut affarlu ilinniarpoq. Per Rosingillu oqaatigaa nammineq inuttut nutaanik ilinniagaqarnissi soqutigisuullugu.

Per Rosingip ilinniakkaminik nammassinnini nuannaarutigaa, kandidatimullu ingerlaqqinnissi mattutinngilaa, allanilli massakkut suliaqarluni ulapinnerarpoq.

- Imaassinnaavoq ingerlaqqinngitsunga, aammali periarfissalissaguma ingerlaqqissinnaassaanga, imaassinnaavoq utoqqartut isikkoqartunga misigivungali suli inuusullunga, Per Rosing oqarpoql. 

 

Ilinnikkaminik naammassisup qatanngutaata Aviaaja Rosingip ilinniarnermik uppernarsaat nersornaallu tallimanngormat tunniunneqartoq tiguaa, Per Posing Danmarkimiimmat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl