Angut 68-inik ukiulik Nuup avataani ujaarineqarpoq

Sermersuup Politiivisa ujaasinerminnut nalunaarutaat ingerlateqqilaassavarput.
(Arkivfoto) Assi © : Simon Uldum
Allattoq Charlotte Holten-Møller
maajip 26-at 2016 15:58

Angut 68-inik ukiulik Sermersuup Nuummi politiivinit Nuup avataani ujaarineqartoq nalunaarutigineqarpoq. Angut pineqartoq marlunngormat maajip ulluisa 24-anni ullaakkut nalunaaqutaq arfinermut qiteqquttoq kingullermik takuneqarpoq, aalisariarniarluni avalalersoq kingullermik takuneqarluni.

Angut kngorna tusarfigineqanngilaq, Nuullu avataani ullumi ulloqeqqata missaani ujaarineqalerluni. Politiit umiarsuaat Sisak ujarlernermi peqataavoq, soorlu aamma qulimiguulik atorneqartoq.

Angut 68-inik ukiulik kingullermik takuneqarami atallaanik orangeanik atisaqarpoq, gummillu aamma orangeat atorlugit. Umiatsiaaqqamik qaqortumik angallateqarpoq, aalisarnermut atortunik aamma atortulersugaalluni.

Angutimut maqaasineqartumut paasissutissaatillit Sermersuup Nuummi politiivinut saaffiginneqquneqarput. Nuummi politiit oqarasuaataasa normoraat 70 14 48.

Aamma atuaruk