67-inik ukioqarlutik utoqqalinersiuteqartalissapput
Danskit siunissami soraarnerussutisiaqartalersussat 62-inik ukioqalereersimasassapput, 67-inik ukioqarlutik utoqqalinersiuteqartalissapput, inuusuttullu suliffissaaleqisut ukiumut ataatsimut taarsiullugu qaammatini qulingiluani suliffissaaleqereeraangamik suliffeqalernissaminnut sungiusarneqartalissapput.
Danmarkimi naalaakkersuisooqatigiit Socialdemokratit, Det Radikale Venstret Dansk Folkepartiillu atugarissaarneq pillugu aaqqissuusseqqinnermi isumaqatigiissutigisimassaat taama ilaatigut imaqarput.
Innarluuteqaleriartornermut aningaasaateqarfimmut 350 millioni koruuninik aningaasaliisoqassaaq, 55-iniit 59-inut ukiullit ullormusiassatik annaasalissavaat suliffittaaqqinnissamullu sungiusarneqartalerlutik.
Sivisunerusumik innuttaasut amerlanerit suliffeqalernissaat inuiaqatigiinnilu aningaasaqarnermut tapiisanissaat aaqqissuusseqqinnermi anguniagaavoq. Soraarnerussutisiaqarnermullu tunngasut 2019-imi atuutilersussatut aalajangerneqarput.
