65 procentit issittoq illersoqquaat
Aviisimi Toronto Sun-imi allaaserisaq naapertorlugu innuttaasut 65 procentii taama isumaqarput.
Innuttaasut taamaallaat 12 procentii isumaqarput Canadap USA peqatigalugu issittoq illersussagaa.
Issittumik piginnittussaaneq pillugu apeqqut Canadami partiit assigiinngitsut aamma assigiinngitsumik isumaqarfigaat.
Canadap ministeriunera Stephen Harper, konservatiivininngaanneersoq, isumaqarpoq, Canadap issittortaani umiarsualiviliortoqassasoq, umiarsuillu sikunik aserorterutit taakkunani inissinneqassasut.
Issittumik piginnittussaaneq taamaalilluni illersorniarneqassasoq, Harperip oqaatigaa.
Socialdemokratit takorluugaat allaavoq. Taakkumi isumaqarput issittumi innuttaasut piorsaavigineqartariaqartut, peqqinnissaqarfik inissaqarniarnerlu assersuutigalugit.