Piffissap sivikitsuinnaap ingerlanerani aappassaa Aasianni ikuallattoqarpoq.
Tallimanngormat angut 61-inik inissiami ukiulik ikuallagussaavoq. Aasianni politiit naapertorlugit ikuallanneq pinerlunnermik tunngaveqanngilaq.
- Ikuallannermut suna patsisaanersoq suli paaseqqissaanngilarput maannamulli paasisagut naapertorlugit eqqumiittumik pisoqarsimarpasinngilaq, Aasianni politiit ittuat Gert Jakobsen radioavisimut oqarpoq.
Qatserisartut ikuallattumut anngutipallapput tamannalu pissutaalluni ikuallanneq blokkip sinneranut siuaruaassimanngitsoq oqaatigineqarpoq.