50.000 koruunit ajunngitsuliuutigineqarput

Kangilinnguani Sakkutooqarfik ukiut tamaasa juullip ukiortaallu akornanni illoqarfiup tusaataa, "Radio Grønnedal", atorlugu "kissaatigisanik" aallakaatitsisarpoq, aningaasanik ajunngitsuliornermut atugassanik katersuiniarluni.

Kissaatigisarsortitsinikkut siorna 2008-mi 50.000 koruunit sinneqartoorutigineqarput, Kangilinnguanilu Sakkutooqarfiup aningaasat taakku marlunnut avippai, Tasiilami meeqqeriviit, tassa Prinsesse Margrethes Børnehjem aamma meeqqat ornittagaat "Amarngivat", tamarmik immikkut 25.000 koruuninik tunineqartussanngorlugit.

Prinsesse Margerethes Børnehjem ukioq allortarlugu meeqqanik Danmarkimut angalatitsisarpoq, 25.000 koruunillu meeqqat nuannersumik misigisaqarnissaannut iluaqutaassaqaat, børnehjemimi sulisut oqarput.

Meeqqat ornittagaata "Amarngivat"-p meeqqat qulit Danmarkiliartissamaarpai, meeqqallu taakku Tivolimi aliikkusiartarfinnilu allani nuannisarnissartik qilanaarilereersinnaavaat, ornittakkami sulisut oqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat