500 koruuniusaliortoq suli kinaassusersineqanngilaq
Nanortalimmi 500-koruunit marluk kioskimi akiliutigineqartut ilumoortuunngitsut arfininngormat januaarip 22-ani paasineqarpoq.
Allattoq Najaaraq Egede
Kalaaliminernik tunisaqarsimasup sulerulunnermini akissarsiannguani kioskimut pisiniarluni 500 koruunit marluk akiliutigeriaraluagai kopiigaasut paasineqarsimavoq.
- Soorunami akiliiniaraluartoq ajuusaarpoq, aningaasat tunisaqarnermigut aningaasarsiarigaluaramigit, aningaasarpassuit annaavai, Qaqortumi politeeqarfimmit Erik Rasmussen oqarpoq.
Nanortalimmi kina aningaasanik pappiaranik naqitsisimanersoq maannamut paasineqanngilaq.