50 milliardit koruunit Haitimut atorneqassapput

Haitimi nunap sajunnerata kingorna aningaasatigut ikiorsiisoqarnissaa pillugu New Yorkimi ataatsimiittoqarmat nunat katillugit 138-t ikiorsiiniarnertik nalunaarutigaat, aningaasallu 50 milliardit koruunit Haitimut tutsinneqarnissaat neriorsuutigineqarluni. Danmarkip Radioata nittartagaani tamanna atuarneqarsinnaavoq.
Allattoq Mads Lynge
apriilip 01-at 2010 17:39

Pissakitsuunerup akiorniarneqarnissaa peqqinnissaqarfiullu ilinniartitaanerullu pitsanngorsarneqarnissaat pingaarnertut anguniagaapput.

Haitimili oqartussat aamma suliniuteqartariaqartut EU-p nunanut allanut tunngassuteqartunut qullersaata Kathrine Ashtonip erseqqissaatigaa.

Christian Friis Bachp Folkekirkens Nødhjælpimeersup New Yorkimi ataatsimiinnermi angusat neriulluarnartoqartippai:

- Aningaasat taama amerlatigisut tunissutigineqarnissaat nuannaarutissaavoq, Haitilu pillugu neriulliuarnarluni, Christian Friis Bach Danmarkip Radioanut oqarpoq.