5 millioninik sipaanermi kikkut tamarmik assigiimmik eqqorneqassapput
Qaasuitsup kommuneani 5 million koruunit sipaarutaassammata, Borgmester Jess Svane aperaarput, sorpiaat eqqorneqassanersut:
- Allaffissorneq teknikkimut avatangiisinullu tunngasut sanaartornermut tunngasut taavalu atuarfeqarfiit meeqqeriviit kulturi atuartitaaneq peqatigiiffiit allarpassuillu taakkua tamaaviisa misissoqqissaarnikuuvagut taamaammat toqqaannavilluni suna annertuumik sipaarfigineqarnersoq takujuminaatsorujuuvoq tassa ilaa milliardininngaaniit 5 millionit katillugit taakkua nassaarigatsigit.
Qaasuitsup kommuneani ataatsimiitsitaliat tamarmik sipaarutissanik ujaarleqqusaanikuugamik suut tamarmik eqqorneqartut Jess Svane oqarpoq. Erseqqissaatigaalu kaaviiaartitanit 1 milliardtiniit 5 millionit nassaarinissaat annikitsuaraasoq.
Innuttaasummi sutigut sipaarniarneq malugissavaat?
- Innuttaasunut ulluinnarni sullissinitsinnut arlaannaatigulluuniit malugineqartussaanngilaq kisianni aamma pingaartittorujussuuarput ulluinnarni aamma allaffissornikkut innuttaasunut kiffartuussinitta ajorseriannginnissaa aamma aningaasatigut taamaatut 5 millionit missaat katillugit sipaarniarnitsinni innuttaasunik sullissinitsinni ajorseriaateqannginnissaa qitiulluinnaqqinnaarpoq.
Qaasuitsup kommuneani oqartussaasut ingerlatsiniarnerminni aningaasatigut ilungersunartorsioraluarlutik akileraarutinik qaffaanissaq aqqutissatut isiginnginnamikku akileraarutitigut qaffaaniannginnertik aaliangiusimavaat.