43-nik ukiulik pinngitsaaliisimasutut nalunaarutigineqarpoq
Arnamik inuusuttumik angerlarsimaffimmut qaaqqusineq pinngitsaaliilluni arnerisimasutut nalunaarutiginninnermik kinguneqarpoq.
Allattoq Louise M. Kleemann
Angut 43-nik ukiulik arnamik 21-nik ukiulimmik pinngitsaaliilluni arnerisimasutut Nuummi politiinut sapaatip akunnerata naanerani nalunaarutigineqarpoq.
Arnaq inuusuttoq politiinut nassuiaavoq angutip inaanut qaaqquneqarsimalluni, tassanilu angummit 43-nik ukiulimmit pinngitsaalineqarluni arneriffigineqarluni. Taamatut pisoqarnerata nalaani allanik takunnittoqarsimanngilaq.
Angut pineqartoq politiinit killisiorneqarluni unnerluni pinngitsuunerarpoq.
Qanorpiaq pisoqarsimanersoq paasiniarlugu Nuumi politiit suli misissuipput.