Angut 33-nik ukiulik Ilulissani toqutsisimasutut unnerluutigineqarpoq.Assi: Camilla Dam/KNR

33-nik ukiulik Ilulissani toqutsisimasutut unnerluutigineqartoq

Angut 33-nik ukiulik Ilulissani toqutsisimasutut unnerluutigineqarpoq. Politiit tusagassiorfinnut nalunaaruteqarlutik ippassaq pingasunngornermi taama allapput.

Ilulissani inissiarsuarni Atersuarni angutip 62-inik ukiullip timaa toqungasoq politiit sisamanngornermi juulip 28-iani 2016-imi nassaaraat. Angut 33-nik ukiulik angummik 62-inik ukiulimmik toqutsisimasutut unnerluutigineqarpoq.

Politiit tusagassiorfinnut nalunaaruteqarlutik pingasunngornermi taama allapput.

Angutip toqunera politiinit pasinartortaqartutut aallaqqaammut misissuiffigineqarpoq, toqusullu timaata nakorsamit misissorneqareernerani angutip 62-inik ukioqartup toqutaasimanera paasineqarpoq.

Qaasuitsumi politiit Ilulissani aqutsisoqarfiata kingorna angut 33-nik ukioqartoq Iluliarmiuusoq tigusaraat. Taanna Ilulissani eqqartuussivimmi inatsit tunngaviusoq naapertorlugu killisiorneqareerluni ulluni 27-ni tigummigallagassanngortinneqarpoq.

Qaasuitsumi politiit tusagassiorfinnut nalunaarummi ilisimatitsipput suliamut tunngatillugu paasissutissanik allanik maannakkorpiaq saqqummiussassaqaratik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat