33-nik ukiulik ajunaarsimassangatinneqarpoq

Angut nunaqarfimmit Qeqertamiit Ilulissat tungaanut ingerlaartilluni periarfeerunneqarpoq.
aggustip 23-at 2010 13:02

Angut 33-nik ukiulik Ilulissanukassalluni aggustip 16-ani angallamminik aallarpoq. Sila atorsaatillugu Ilulissat tungaannut aqqut nalunaaquttap akunnerinik marlunnik sivisussuseqartarpoq, angulli apuuffissaminut apuutinngilaq.

Ulloq naanngitsoq angutip angallataa angalasunit naammattoorneqarpoq, motooria suli ingerlasoq.

Politiinut kalerriutigineqarnerata kingorna politiit angallataat ujaasitinneqarpoq. Aamma angutip angallamminik aqqutigisimasinnaasaa timmisartumit qulimiguulimmit misissorneqarpoq, kinguneqanngitsumilli.

Ujaasineq aqagukkut taamaatiinnarneqarpoq. Politiit ilimagisaat naapertolugu angut angallamminit nakkarluni ajunaarsimassangatinneqarpoq.

Angutip ilaqutai kalerrinneqareersut politiit oqaatigaat.