32-nik ukiulik pinngitsaaliisimanerarneqartoq
Angut 32-nik ukiulik Kangerlussuarmi najugalik arnamik 40-nik ukiulimmik pinngitsaaliisimasutut politiinut nalunaarutigineqarpoq.
Allattoq Louise M. Kleemann
Pinngitsaaliineq arnap inigisaaneq sisamanngormat ullaakkut nalunaaqutaq arfineq-marluk missaanni pisimavoq. Angut politiinit tigusarineqarnermi kingorna eqqartuussivimmut sassartinneqarpoq.
Sassartitsinermi nassuiaatigineqartut tunngavigalugit angutip iperagaanissaa eqqartuussisup aalajangerpaa. Eqqartuussisup aalajangernera unnerluussisussaatitaasumit Nunatta Eqqartuussivianut suliassanngortinneqarpoq. Unnerluussisussaatitaasup piumasaa malinneqassappat angut 32-nik ukiulik sapaatip akunnerini sisamani tigummigallagassanngortinneqassaaq.