280.000it Ilulissani børnehjemimut

Assilialiortartut nunanit tamalaanit ilisimaneqaqisut Christian Lemmerzip aamma Michael Kviumip Ilulissani Hotel Arcticimi tuniniaajutigalutik saqqummersitsinerat poorskikkunni aallartittoq ingerlalluarpoq.
Allattoq Thora H. Nielsen
apriilip 21-at 2014 15:14

Hotel Arcticip pisortaa Erik Bjerregaard oqarpoq aningaasat 280.000 koruunit ippassaq isertinneqareersimasut, aningaasat taakku Ilulissani børnehjemimut tamarmik tunissutigineqartussapput.

Christian Lemmerzip aamma Michael Kviumip assilialiatik 39-t tuniniagassanngortissimavaat. Akikinnerpaaq 9.500 koruuneqarpoq akisunerpaarlu 125.000 koruuneqarluni.

- Aningaasat isertinneqartut maannamut 280.000 koruuniupput, assilialiallu tamaviisa upernaap ingerlanerani imaluunnit aasaru tunineqareersimanissaat siunniupparput. Assilialiat tamarmik tunineqareerpata katillugit 600.000 koruunit Børnehjem Sarliamut tunniussinnaanissaat naatsorsuutigaarput, Erik Bjerregaard oqarpoq.

Saqqummersitat Hotel Arcticimi aggustip naanissaata tungaanut nivingagallartinneqassapput, saqqummersitsinermilu aningaasartuutit Hotel Arcticimit aamma Air Greenlandimit akilerneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq