27-nik ukiulik sapaatip-akunnerani mattussaasussanngorpoq
Angut 27-nik ukiuni Nuummi imerniartarfiit ilaata Maximut-ip silataani pissanganartornartumik ippassaq tigusarineqartoq, ullumi killisiorneqareerluni ulluni arfineq-marlunni tigummineqarallarluni mattussaaqqasussanngortinneqarpoq. Inummik sioorasaarisimasutut pasineqartoq, politiit oqaatigaat.
Allattoq Najaaraq Egede
marsip 16-at 2010 14:20
Angut 27-nik ukiulik angummut inuusuttumut illuinnarsuummik qaavatigut toorlugu qunusaarinnissimasutut, Nuummi politiinit Maximut-ip silataani ippassaq pissanganartorsiornartumik tigusarineqarpoq.
Angut politiinut nalunaarutigineqarnermi kingorna pingasunik ilaasoqarluni illoqarfimmi biilertoq politiinit takuneqarpoq. Angut politiinit sakkulersorsimasunit biilinit aneqquneqarpoq nunamullu pallortillugu paffequserneqarluni.
Biilimi ilaasut pingasut kingusinnerusukkut politiinit iperagaapput, angullu 27-nik ukiulik toqutsinissamik sioorasaarisimasutut unnerluutigisassanngorlugu eqqartuussivimmi ullumi sassartinneqarami ulluni arfineq-marlunni tassa tigummineqarallartussanngortitaavoq, nakkutigeqqissaarneqassalluni.
