25 oori aturunnaassaaq

Mikisunnguupput qillalaartut kanngussamillu sanaajullutik aammali naleqarpianngillat atorunnaalerlutilli. Tassaapput 25 oorit Nationalbankip oktoberip ulluisa aallaqqaataaniit atorunnaarsiligai.
septembarip 25-at 2008 14:48

Tamatuma kingorna 50 oori oorini atukkatsinni nalikinnerpaanngussaaq.

Nationalbankip naatsorsuutigaa 500 millioner koruunit nalinginut 25 ooreqartoq. Pisissutigineqarsinnaajunnaaraluarpatali aningaaserivinni iluittunngortinneqarsinnaajuartussapput.

25 oori atorunnaarpat iluittunngortitsisarneq aamma allanngortussaassaaq. 25 oori atorunnaarpat nioqqutissap akia 1 –miik 24-ooritaqarpat, ooritaa naleerutissaaq. Nioqqulli 25 oorimiit 74 oorimut ooritaqarpat ooritaa 50 oorinngortinneqartassaaq. Nioqqutissap ooritaa 75 ooriuppat aki koorunimik ilaneqassaaq.

Ooreeqqanik kingullermik atorunnaarsitsisoqarpoq 1989-mi fem oorit 10 oorillu atorunnaarsinneqarmat.