25 mio.kr.-nit sumut atussanersut paaserusuppaat

Aningaasaqarnikkut ingerlatsineq pillugu nalunaarummi ersarissumik anguniagassatut taaneqarpoq ilinniartitaanerup siuarsarneqarnissaa, pitsanngorsaanissarlu. Taasunga atatillugu Inatsisartuni akuerineqarsimavoq ilinniartitaanermi pitsanngorsaanissamut aningaasat ukiumut 25.mio.kr-nit atorneqartarnissaat. Aningaasat taakkua sumorpiaq atussanersut Augusta Salling-mit apeqquserneqarpoq, tamannalu aningaasaqarnermut naalakkersuisup Josef Motzfeldtip akinerani oqarpoq, ukiarmi inatsisartut akuerisaanik ilinniartitaanermut aningaasat atugassat 25 mio.kr.-nut qaffanneqassasut, aningaasallu qaffaassutaasut ukiut tamaasa inissinneqartassasut. Josef Motzfeldt-ilu nangilluni oqarpoq, aningaasat qaffaassutissat pillugit inatsisartuni ilaasortat aperineqartut, siunnersuutissaqarnersut, nangillunilu;

- Ullumi inatsisartuni apeqqutigivarput, aningaasanik qaffaanissat 2012-ip tungaanut taamak annertusigiartortinnissaat isumaqatigaasiuk? Taavalu taakkua akilerneqarnissaanut sipaarniuteqarnissanut isumaqatigiinniarnissanut peqataarusuppisi? Inatsisartuni akuerineqarpugut tamatumuuna, taavalu aatsaat massakkut sulinivik aallartissooq, annertusaanerit sutigut ingerlanneqassanersut, taakkulu inatsisartuni aningaasanut inatsisissap ukiup tulliani isumaqatigiissutiginiarneqarnerani ukiamut saqqummiunneqartussaallutik, taamaasippallu isummersorfigineqarsinnaalerumaarpoq, Josf Motzfeldt naggasiivoq.