24-nik ukiullip pineqaatissinneqarnini akueraa

GU-mi atuartup angutip 24-nik ukiullip, sapaatit akunneri marluk matuma siorna ilinniartitsisuminik annersaasimasutut eqqartuunneqarnini akueraa. Angut Nuup eqqartuussiviani pineqaatissinneqarpoq pinerlussimasunik inissiisarfimmi qaammatini pingasuni mattusimaneqartussatut. Nuup politiivisa pisortaat Karl-Henrik Simonsen oqarpoq angut inuusuttoq eqqarsarfissaqareerluni aalajngerimasoq suliaq nunata eqqartuussivianut ingerlateqqikkumanagu.

24-nik ukiullip qaammatip ataatsip matuma siorna mianersoqqussummik tunineqarnermi kingorna ilinniartitsisoq ajattarlugulu niaquatigut tilluarpaa.

Angut pineqaatissinneqarnerminut akuersigaluartoq pinerluuteqarsimasut inissinneqartafiannut inissinneqarnissani utaqqingaatsiarsinnaavaa. Karl-Henrik Simonsenip oqarnera naapertorlugu anstaltinut utaqqisut 100-t sinneqarput, 24-nillu ukiulik ukioq ataaseq utaqqeqqaarluni parnaarussaasinnaasoq ilimagaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat