21-nik ukiulimmik ujaasineq taamaatinneqarpoq ajunngitsoq nassaarineqarmat
Angut inuusuttoq, Eskia Semsen Kristiansen ajunngitsoq politiinit nassaarineqarpoq.
Allattoq Apollo Jeremiassen
Kujataani Politiit angummik inuusuttumik 21-nik ukiulimmik, arfinngormat sapaatillu unnuaani Alluitsup Paani sumiiffeerunneqartoq pillugu ujaasinerat maanna taamaatinneqarpoq. Politiit KNR-imut oqaluttuarput angut inuussuttoq, Eskia Semsen Kristiansen ajunngitsoq maanna nassaarineqartoq. Politiit angut inuusuttoq sumi nassaarineqarsimanersoq maanna oqaluttuarerusunngilaat, ajunngitsorli tassa paasitinneqarluta.