Angut 21-nik ukiulik annaassiniartunit qulimiguulimmi aamma Sisimiut napparsimaviani uummarsarneqaraluarpoq. Asseq toqqorsivimmit.Assi: KNR, Anton Gundersen Lihn

21-nik ukiulik kuummi quaalluni ipisimasoq

Sisimiut eqqaani ipisoqarneranik politiit misissuineranni inerniliunneqarpoq angut 21-nik ukiulik kuummi quaalluni ipisimasoq.

Sisimiut eqqaani Itillip kangerluani Eqalugaarsunni aasarsiorfimmi angutip 21-nik ukiullip ataasinngornermi ipilluni ajunaarfigisaani Sisimiuni politiit aasarsioqataasut tamaasa maanna apersorsimalerpaat.

- Taakkua nassuiaanerat, assillu takusagut timaanillu misissuinerput aallavigalugu kuup eqqaani ujaqqatigoorluni quaalluni uppissimassasoq nalilerparput. Niaqquminillu ujaqqamut tunnermini ilisimajunnaarluni ipisimassasoq, Qeqqata Politiivini pisortaq Johan Davidsen oqarpoq.

AAMMA ATUARUK Angut inuusuttoq ipisimasoq nassaarineqartoq

Itillip kangerluani Eqalugaarsunni ipisoqarsimasoq Aasiaat Radioat VHF-ikkut ersarluttumik unnukkiartulersoq nalunaarfigineqarput

Kalerriisoqareerneratalu kingorna angut annaassiniartunit Sisimiullu napparsimaviani uummarsarneqaraluarpoq.

Qeqqani Politiit angutip inuusuttup ajutoornini toqqutigimagaa misissuereerlutik inerniliipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat