Nuuk Imeq Sodavandit amerlanerusut immiaaqqallu ikinnerusut 2018-imi tunineqartut
Kaaviiaartitat katillutik 2017-imi 193,9 milliunit koruuniniit 2018-imi 2,8 procentinik qaffariarput 199,4 milliuunit koruuninngorlutik.
Kaaviaartitat amerlanerulernerat sodavandinik tunisaqarnerulernermik tunngaveqarpoq.
Tassami sodvandinik tunisineq 6 procentit missaannik annertusivoq, immiaaqqanilli tunisineq 0,6 procentinik annikillilluni.
Ukiumoortumik inerneri katillutik tassaalerput sinneqartoorutit 32 milliuunit akileraarutinut akiliutaasut ilanngaatigereerlugit.
Immiaaqqanut sodavandinullu akitsuusiussat saniatigut Nuuk Imeq 2018-imi pisortanut 50 milliuunit koruuninik akiliuteqarpoq, taakkulu tassaapput akileraarutit, pissarsiat aamma sukkunut akitsuusiussat, immiorfik paasissutissiivoq.
Nuuk Imeq aamma oqaaseqarpoq puujaasaaqqanik utertitsarnermik ileqqoq massakkut atuuttoq suli tapersersorlugu.
Avatangiisit eqqarsaatigalugit periaaseq taanna pitsaanerpaavoq, tassami immiaaqqat sodavandillu puujaasaarartaasa tupinnaannartumik 97,7 procentii atuisunit Nuuk Imermut utertinneqartarput.
Kuupik Vandersee Kleist siulersuisuni siulittaasutut qinigaaqqippoq.