Assi: Jason/Flickr Creative Commons

2017 silaannakkut angallannerup oqaluttuarisaanerani aatsaat taama isumannaatsigisoq

Ukioq 2017 silaannakkut angallannerup oqaluttuarisaanerata nutaajunerusup ingerlanerani aatsaat taama isumannaatsigisimatigaaq.

Nittartagaq Aviation Safety Network, nunani tamalaani silaannakkut angallannermut tunngasunik katersuisartoq, taama allaaserisaqarpoq.

Aviation Safety Network, Hollandimiumit Harro Ranterimit pilersinneqarpoq, timmisartuussinerillu qulit siorna ajutoorfiusut akornanni inuit 73-it siorna januaarip aallaqqaataata decembarillu ulluisa 31-ata akornanni ajunaarsimasut nalunaarsorneqarsimapput.

Assersuutigalugu 2016-imi timmisartut ajutoortut 16-it akornanni ajunaartut 303-upput.

Aviation Safety Networkip timmisartuussinerni ajutoornerit 1990-ikkunnili nalunaarsortalerpai, timmisartullu ataatsip nakkarnerani inuit ajunaartut 100-nit amerlanerusut kingullermik nalunaarsorneqarneranit ullut 792-it sapaatiummat ingerlasimasut nittartakkap taassuma allaaseraa, tamannalu aamma rekordiulluni.

Timmisartut assartuussinermut atorneqartartut tallimat, timmisartullu inunnik ilaasoqarlutik timmisartuussisartut tallimat siorna nakkarput.

Ajutoorneq kingulleq Australiami Sydneymi decembarip ulluisa 31-anni pivoq, timmisartuaraq tassani nakkarmat. Inuit arfinillit tassani ajunaarput.

Ritzau

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat