2017-mut saarullittassat Naalakkersuisut aalajangiukkaat
Ukioq mannamut saarullittassiissutit 36.500 tonsiunissaat aalajangerneqarpoq. Aalisarnermut Piniarnermullu naalakkersuisoq Hans Enoksen KNR-imut taama ilisimatitsivoq.
Allattoq Mads Lynge, Arnaq Nielsen
januaarip 05-at 2017 14:37
Ukioq mannamut saarullittassiissutit naalakkersuisunit tassa aalajangerneqarput, biologillu innersuussinerannut naleqqiullugu pingasoriaammik amerlanerunissaat naatsorsuutigineqareersutut tassa aalajangerneqarpoq.
Hans Enoksenip taama aalajangernera tupaallannartuunngilaq. Aalisartut misilittagaat biologit misilittagaannit iluatinnaateqarnerusut, Hans Enoksenip arlaleriarluni oqaatigereerpaa.
AAMMA ATUARUK Enoksenip saarullittassiiniarnera IA-mit taperserneqartoq
