2017-imi Inuusuttut Inatsisartuinut qinnuteqarpit?
Inatsisartut qarasaasiarsornermi toqqorteriviata ukioq manna septembarip ulluisa 23-anni ajutoornera pissutaalluni, 2017-imi Inuusuttut Inatsisartuinut peqataanissamut qinnuteqarsinnaaneq septembarip 23-aniilli ajornarsimavoq.
Ajornartorsiulli maanna aaqqinneqarsimalermat qinnuteqartoqarsinnaanngoqqippoq.
Inatsisartut Allattoqarfia tusagassiuutinut nalunaarummi taama ilaatigut allaaserisaqarpoq.
Inu.gl-imut iserlutit, iPhoneqaruillu Andorideqarlutilluunniit, taava inu.gl-ip APP-ia inu.gl-imi aariarlugu qinnuteqarsinnaavutit.
Qinnuteqaat APP-i atorlugu immersoreersimagukku, qinnuteqaat nassiuteqqissavat.
Inuusuttut Inatsisartuinut peqataanissaq qinnuteqarsinnaanermut ulloq killigititaq tassaavoq oktobarip ulluisa 31-at 2016.
Inuusuttut Inatsisartui pillugit, qinnuteqarnissamullu piumasaqaatit sukumiinerusumik paasisaqarfiginiarukkit Inuusuttut Inatsisartuisa nittartagaanni APP-imilu tassunga atasumi paasiniaaqorsinnaavoq, tassa www.inu.gl iserfigalugu paasiniaasoqarsinnaalluni.
