2014-imi frimærkit kingulliugallartut saqqummerput
Siulliit marluk eqqumiitsuliortup Ivalo Abelsenip titartagarai, taakku sinneri 2015-imi saqqummersinneqassapput.
Aammattaaq Kalaallit Nunaanni inuinnaat silaannakkut angallannerat-ni frimærke nutaaq saqqummissaaq.
Frimærkip assiliartaanik aammaarluni suliarinnittuuvoq eqqumiitsuliortoq Norgemeersoq Martin Mörch. Taassuma titartarlugulu kigartorpaa nangeqattaartut Kalaallit Nunaanni ilisimasassarsiornerit malunnaatillit aqqaneq aappassaat kingullerlu.
Frimærkini pineqartuni marlunni Jørgen Brønlundip, Niels Peter Høegh Hagenip aamma Ludvig Mylius Eriksenip 1906-imiit 1908-mut ilisimasassarsiornerat tusaamasaasoq arkitut ilivitsutut miniarkitullu saqqummertussami nersorniarneqarput.
New Zealand Post peqatigalugu frimærke arkitut ilivitsutut aamma miniarkitut aammattaaq saqqummersinneqassaaq, atserneqarsimasoq Isuaniit Isuanut.
1938-mi siullerpaamik frimærkimik saqqummiigattali frimærke taanna saqqummersittakkani ammalortut siullersaraat.
Lisbeth Karline juullip frimærkianik suliarinnittuuvoq, taakkunani ersersinneqarluni tv-kkut juullilernerani aallakaatinneqartartoq Kalaallit Nunaannut juullimi inuulluaqqusineq, aallakaatitassarlu taanna ukioq manna nunatsinniit Danmarkimut inuulluaqqussutitut pisussaalluni.
Ukioq frimærkileriffiusoq 2014 naggataarlugu ukiup mappianik; taanna ukioq manna nunatsinni frimærkiliarineqartunik miniarkinillu tamanik imaqassaaq.
