2014-imi Atuaqatigiit Pujortartuunngitsutut ajugaasut toqqarneqarput
Atuaqatigiit ajugaasutut toqqarneqarnermik saniatigut akissarsiassarititaasut 30.000 koruuninik aningaasartaqartoq aamma pissarsiaraat.
Atuaqatigiikkuutaat qulingiluat unammisitsinermut peqataarusullutik nalunaarsimapput, unammisitsinerlu akullerni atuartunut sammitinneqarluni.
Atuaqatigiit Pujortartuunngitsut 2014-imi unammisinneqarneranni atuaqatigiit kisiisa pinnagit atuarfilli tamakkerlugu paasisitsiniaanissaq unammissutigineqarpoq.
Kangersuatsiami 6.-7. Klassemi atuartut ajugaanerannut makku tunngavilersuutigineqarput:
- Pujortartarnerup ajoqutaanik paasissutissanik ilisimasassanillu imaqartumik quppersagaliorsimapput, taanna atuarfimmiinnaanngitsoq nunaqarfimmiunilli tamanit isumassarsiorfiusinnaalluni.
- Pujortartanngikkaanni aningaasat qanoq amerlatigisut sipaarneqarsinnaanerannik naatsorsuusiorsimapput.
Atuaqatigiit ilaasa pujortartarnermut tunngasunik piviusumik oqaluttuaat, pujortartarnerullu oqaloqatigiissutigineratigut meeqqat inuusuttullu pujortartalinnginnissaat qanoq anguneqarsinnaanersoq oqaasertalersimagaat, Naalakkersuisoqarfik tusagassiuutinut nalunaarummini allappoq.
