2012-imut naleqqiullugu imaq sikunerungaatsiarpoq

Europamiut avataarsualiartaataata Cryosatip paasissutissaataasa takutippaat imaq siornamut naleqqiullugu sikunerungaatsiarsimasoq. 2012-imi sikorpianngitsumut naleqqiullugu 50%-inik sikunerusimavoq, ukiulli arlallit kingumut qiviaraanni agguaqatigiissitsinermut naleqqiullugu suli annikinneruvoq. Sikup ukioq manna aakkiartorunnaarnerani kubikkilometerinik 9.000-inik annertussuseqarpoq.
Allattoq Peter Troelsen, Simon Uldum
decembarip 16-at 2013 09:33

Issittup imartaata sikuata annertusiartorneranik nutaarsiassaq nuannaarutaassagaluartoq, ukiuni qulikkuutaani kingullerni marlussunni allannguutit aamma isiginiarneqartariaqarput, Londonimi University Collegemi professori Andy Shepherdl BBC-mut oqarpoq.

80-ikkut aallartinnerini immap sikua kubikkilometerinik 20.000-inik annertussuseqassangatinneqarpoq, taamaammat maanna siku nalinginnaasutut naatsorsuutigineqartumit annikinnerungaatsiarpoq, matumanilu uuttortaaneq ukiuni kingullerni 30-ni uuttortaasoqartarnerani annikinnerpaajuvoq.

CryoSat tassaavoq Europamiut Avataarsuanik ilisimatusarfiata issittumik nakkutilliissutaa. Pitsaalluinnartunik radareqarpoq, taakkulu atorlugit puttaarsuit Issittup imartaaniittut issussusaat ilisimatuut uuttortarsinnaavaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk