2009-mi timersullammammik toqqaasoqartussanngortoq
Kina ukiormanna timersullammattut toqqagaanersoq maannamut soorunami isertuunneqarallarpoq.
Taamaattorli kalaallit timersortartut angusaqarluarfigisaannik, ukiup ingerlanerani timersornikkut pisimasorpassuaqarpoq, soorlu makkuusunik:
U21-t assammik arsartartut Igitsinimi VM-eqataanerat, Qeqertarmiut Ålandimi unammiuaarnerat, Tae-kwon-Do-rtartut VM-imut EM-imullu peqataaneri aamma kalaallit ujakkaarlutik ooqattaasartartut angusaat.
Tamakkua saniatigut Nunatsinni pissartanngorniuttorpassuaqarpoq.
Kina ukiup timersullammaatut toqqagaanersoq ualeru nalunaarutigineqassaaq. Timersoqatigiit Kattuffiat, Sermitsiaq Faxe Kondilu timersullammammik toqqaasuussapput.
Marlulissat Minik aamma Pilo Rasmussen Ilulissaneersut timersullammattut siorna toqqagaapput.