2009-mi silap pissusaa pillugu ataatsimeersuartoqassaaq
Silap pissusaata allanngoriartorneranut tunngatillugu Københavnimi 2009-mi ataatsimeersuartoqassaaq.
Danskit Kommunii silap pissusaata allanngoriartorneranut tunngatillugu ataatsimeersuartoqarnissamut piareersalereerput, kiisalu Avatangiisinut Ministeriaqarfik ulluni makkunani nuna tamakkerlugu silap pissusaa pillugu isumassarsianik tunioqqarneqaleruttorpoq.
Frederikshavnip Kommunea suliakkerneqartunut ilaavoq. Frederikshavnip Kommunea ullumikkut Danmarkimi siullerpaalluni klima-kommunetut toqqagaavoq. Taama ritzau paasissutissiivoq.
Tamanna imatut paasineqassaaq, Frederikshavn Kommunep 2025-p tungaanut CO2-mik aniatitsinini
3 procentimik annikillisissagaa.
Klima-kommunemik toqqaaneq siulleq Danmarkimi Pinngortitamik Eqqissisitsinissamik Peqatigiiffiup (Naturfredningsforenigip) toqqagaraa, Kommune toqqarneqartoq pisussaavoq nunarsuup kissakkiartuinnarneranut akiuiniaqataassussaalluni.
Nunanut allanut ministeri, Per Stig Møller, USA-mut sivisulaartumik tikeraassalluni ullumikkut USA-mut tikippoq, ullumikkullu oqaaseqarnermini præsident Bushimut oqaatigaa silap pissusaata allanngoriartorneranut akiuiniarnissamik suleqatigiinnissaq. Danskit nunanut allanut ministeriata oqaatigaa, pisariaqarluinnartuusoq Naalagaaffiit Peqatigiit silap pissusaata allanngoriatorneranut akiuiniarnissami annertunerusumik suleqatiginissaat.
